📍餃掂手工餃子雲吞專門店 (銅鑼灣)
銅鑼灣景隆街19號地舖
======================================
之前去過灣仔分店，lunch time個陣排哂長龍🤭見好耐冇食，心血來潮又想食餃子，就去左銅鑼灣分店。有時諗唔到食咩過黎食下餃子都唔錯😛方便又易揾位✌🏻每張枱都有一大樽醃蘿蔔🤩仲要任你夾😱好好食啊😎
.
雙拼煎餃 $52/中碗7隻 (4/5)
雙拼可以係四款之中揀兩款，我地揀左韮菜豬肉同粟米豬肉🥳加左韮菜個款好香😇而加左粟米嗰款就較有咬口。即使煎完都唔會乾淨淨咁，香口得黎又唔會好油膩，只要點少少餃子醬汁同菜莆辣椒醬就已經好惹味😋
.
龍鳳松茸雙灼餃 $86/8隻 (4.5/5)
另外仲見到有松茸餃，好似好吸引🤪就叫左個有哂黑松露同白松露既，一次過試哂兩款口味✌🏻餃子皮夠薄，一咬落去，好juicy呀😍仲聞到好香嘅松茸味🤤食落黑松露味道會較白松露香。而呢款灼餃仲有配埋一碗狀元九鼎湯，係用左粉葛、鯪魚、紅蘿蔔、排骨等材料煮既，清甜又健康，夠哂滋潤🥰十足住家湯既感覺👍🏻
.
麻辣松花皮蛋 $25 (4/5)
我呢啲平時只係食bb辣既人都覺得呢個唔算好辣🤭食落幾香，同埋皮蛋中間有少少流心咁，好正！😍
Search